هكذا يغنى المصريون اليوم (1)
هكذا يغنى المصريون فى أيام الغضب (1)
من الطبيعى أن تتوقف الكلمات إلا عن الإنتفاضة المصرية الجارية الآن ,
والمساهمة فيها ولو بشق كلمة ,
يا مبارك .. قول لجمال
مصر كبيرة على العيال ..
يا عساكر .. واقفين ليه
انتوا معاهم ولا ايه
روحوا للى سرقوا فلوسنا
وخلو الفقر بِعَجلُه يدوسنا
يا عساكرنا بتضربوا مين
ده احنا الناس الشقيانين
يا عساكرنا .. عيب عليكو
احنا طلعنا لينا وليكو
لا احنا بتوع إضراب ولا نيله
بس خيبتنا خيبة تقيله
احنا الشعب اللى شنقوه
بعد ما عاشوا يعذبوه
سيبوا الناس تتكلم مرّه
قبل مصوتها يطلع بره
مهما يكون القهر كبير
ربك أكبر من الوزير
افهم ياللى ساكن فوق
اطلع منها بقي بالذوق
دى كلمتنا .. حنفضل بـيها
لحد مترحل من أراضيها
